ГӀалгӀай къаман
юкъара газет

Дешареи Iилманеи министерства кулгалхочо, дешархойи студенташи даькъала бийцар

Министр образования и науки Ингушетии Эсет Бокова поздравила работников системы образования, студентов, школьников и их родителей с началом нового учебного года. В День знаний за школьные парты впервые сели более 9 тысяч первоклассников. Для них этот праздник особенно волнителен, отметила она.

«Дешара шу дIадоладалар — дешара кIоаргаленаш йовзаш долча вахара, доккха дика да! ХIара дешархочо ший моттиг, дIахо йодача хана, ше дIахьоргбола никъ хоржа моттиг я дешара кхуврч. Дешархоша, хьехархоша хоржар духхьала шоай кхоане яц, берригача мехка кхоане я цар шоай лерхIамашца, уйлашца хоржар. Хьамсара хьехархой, хIара шера шоай болх дикагIа тоабе гIерташ оаша хьега къа, вай къаман вахаре беркате хинна Iодужаргда! Шоай цIа санна дешара кхуврч дагабоаллаш оаша дIахьош бола атта боаца никъ, иразах, сийрдача деноех бизза хилба шун!

Тахан, шоана хьалхашка латта декхараш дийца варгвоацаш доккхий да. Шоана тIа да хIара дешархочун начIал гучадаккхар, дешарца безам сомабаккхар, кхоана цун эшаргйола професси харжа гIо дар. Даьша, ноаноша цу наькъ тIа хьега къа, боарам боацаш да! Цар кара дуккха да тахан. Хьамсара даьй, ноаной, шун даггара долаш, массе хана шун дегаш деладеш хилда, оаша кхедеш латта бераш!

Эггара лоархIамегIа дар — нийса никъ харжа аьттув хилба цар, ираз долаш бахалба уж! Шоана массанена дуккха коталонаш кхухьаш, дегаш гIадкхувлаш дIачакхдалда дешара шу! Могаш-маьрша долаш, дог делаш дахалда шо! Беркатеча наькъа тIа толамаш даха аьттув ма эшалба шоана!», — аьлар ший къамаьла юкъе Боканаькъан Аьсета.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде