ГӏалгӀайчен кагирхой комитет гранташ йоаха болх дегӀабоалабеш я
ГӏалгӀай Республикан кагирхой политикан, туризма Министерствос гранташ яхара бола болх дегӀабоалабу, кхувш йоагӀача тӀехьенна юкъе. Цу тайпара, цу боахама болхлоша дӀа-юха а ухаш, семинараш ю, яхаш, дийцар «Сердало» газетага из болх вӀашагӀбеллараша.
Юкъарлонца бувзам лелабара, гранташ яхара йола политика лелаяра йолча отдела керттерча говзанчас Гӏулой Аминас яхачох, цар из дӀадовзийт дешархошта а иштта студенташта а, вахара проекташ оттаяра новкъостал ду.
«Укх деношка, кагирхой политикан, туризма Министерствон викала шиъ дешара оагӀув дӀайихьар, берашта цу даькъ тӀа керттердар довзийташ: керттера уйла йолаш, безам болаш, къахьегаш», - аьлар тха газетага.
Белгалду, из тема кӀоаргагӀа йовза безам бараш мехка столицерча кагирхой вӀашагӀбетталуча фусаме хьабахка йиш йолаш ба, е шоай дешара моттиге шоашта эшаш вола саг хьавеха а мегаргва.
