Гӏалгӏайчен ӏалама Министерствос техкар, Шолжа кхалерча цӏагӏа хий чудалар
Гӏалгӏайчен ӏалама Министерствон кулгалхочо теркалдир, Шолжа кхален Эбарга-Юрта яхача кхалсага дехар. Министра гӏонча ӏарчакханаькъан Ахьмад, хин тароний даькъа кулгалхо Хоаной ӏаьла Ставропольски урам тӏарча цӏен хьал миштад хьежар. Цига уж бахар дувзаденнадар, Шолжа хин йисте латтача цӏагӏа а цун лаьттан тӏа а хий чудаьнна хиларца.
«Из хьал тохкаш дакъа лоацаш хилар Малхбузен-Каспийски бассейна хин урхаллен даькъ тӏара викалаш, «Дагводресурсы», иштта Гӏалгӏайче гӏолла йола Россе МЧС.
Хьежачул тӏехьагӏа, говзанчаша лаьрхӏар, из моттиг чӏоагӏъеш бола гӏирс цига хьалбе беза, аьнна. Цо таро лургья хий чудалара хьал юхатоха, цу хин юхера цӏенош цу хатарах лораде. Цул совгӏа, тохкама болх дӏабахьаро хьагойтар, цу даькъ тӏа Шолжа хин йистош цӏенъе ца езилга», - аьлар «Сердало» газетага республикерча ӏалама Министерстве.
