Минспорте белгалвир дзюдоист Исмейланаькъан Дени
22.04.2025 09:24
Лакха говзал йола дзюдоист Исмейланаькъан Дени, иштта цун хьехаш вола Пхьеденаькъан Ахьмад белгалбеш кхетаче дIайихьар вай Минспорте. Из хоам «Сердалога» бир цу моттигера.
«Министерствон кулгалхочо баркал аьлар спортсмена. Белхарой Руслана белгалдир из спорта наькъ тIа лоархIаме гIа боаккхаш, лакха говзал гойташ водилга. Спортсмена, цун хьехаш волча Пхьеденаькъан Ахьмада грамоташ луш, аьттонца, иразе шоай никъ дIахобахьа даькъалабийцар уж Белхарой Руслана», - йоах тхога бенача хоамо.
