Спорта министерстве безбир Европан хьалхале къайсача котбаьннараш
ГӏалгӀай республикан физически культуран, спорта Министерстве безбир эллиной-румий латарах Европан хьалхален, дзюдо Европан хьалхален яхьашка котбаьннараш, яхаш, дийцар «Сердало» газетага спорта министерствон зарбан болх лелабеча ГӀаппархой Аишас.
Итале дика толамаш дахарах, латархочун Алмазанаькъан Ӏаддаланна министра Белхарой Руслана грамота а, ахча а, совгӀат а делар. Дзюдоист волча Хамхой Рахьима 18 шу даьннарашта юкъе боккха толам баккхарах совгӀат делар. Иштта, баркал оалаш, грамоташ а, ахчан премеш а елар тренерашта Бохтаранаькъан Махьмуда, Цӏечой Сулейманна.
«Вай спортсменаша ГӏалгӀайче дера Европан хьалхале дӀахьош хинначара шиъ дошо совгӀат. Хьалхарча аргӀагӀа баркал ала ловра тренерашта, спортсменашта, цар иштта лакха совгӀаташ дахарах. Къаьстта баркал оал аз ГӏалгӀайчен спортивни латара Федераце вице-президента Арсамаканаькъан Ахьмада, Янданаькъан Султана», - аьлар Белхарой Руслана.
