«Вайцигарча нах тӀаийбеча юкъарча моттиге, РФ Паччахьалкхен Думан депутата тӀаера СВО доакъашхочун нана, Илдарха-ГӀалий тӀа яхаш йола Янданаькъан Мадина, шийна чуяха фусам хьалъяра лаьттан чӀегилг ехаш. Из халача хьалашка йисай тахан, мах а телаш, наьха фусаме яхаш я из.

Цун дехар кхоачашдир БӀарахой Бек-хана моттигерча Ӏаьдала новкъосталца», - аьлар хоамо. Кхалсага лаьтта делар, цул совгӀа, парламента новкъосталца, цу тӀа дика щитовой цӀа а Ӏооттадир. ХӀанз чуяха фусам йолаш я из. Иштта веннача СВО доакъашхочун даь Ӏалбаканаькъан Мусай дехар а кхоачашдир.

Цунна лаьрххӀа йола вордингаш (коляска) езар, цӀагӀа а ара а дӀа-юха лела йиш хургйолаш. БӀарахой Бек-хана ахчанца новкъостал дир цунна уж эца, тӀема операцен доакъашхочун даьна уж дӀаелар. ГӀалгӀайче, карарча хана СВО доакъашхой дезалашта новкъостал дара йола программа кхоачашъеш я, цар дийха дола новкъостал терко ца еш дитадац.

Мехка Ӏаьдало, боахамаша, урхалленаша, юкъарча организацеша, тайп-тайпарча гӀулакхаш тӀарча наха цӀаккха а дитадац Даьхен бӀухой дезалий хьашташ кхоачаш ца деш. Уж тахан вай мохк лорабеш, цун кхерамзле Ӏалашъеш латташ ба.