«МаӀаний доазув» яхача кхетаче дакъа лоацаргда вай кагирхоша
Солнечногорск яхача шахьаре дӀахьош йолча «МаӀаний доазув» яхача ерригача Россе кагирхой дешара кхетаче дакъа лоацаш ба вай мехкара кагирхой. Из хоам «Сердалога» бир кагирхой цхьанкхетарий цӀенна кулгал деча Ведажанаькъан Зоврбика.
«Сенеж» яхача оагӀонца бувзам хоттара тӀехьа дехар чуденнараш 4000 эзар совгӀа саг ва. Пхи смена дӀаяхьа лерхӀаш ба из гӀулакх вӀашагӀделлараш. «Дезал»- кӀимарса беттара 7-11-гӀа денош, «Дикал» - цу беттацара 13-17-гӀа денош, « ХӀама хьакхоллар» - 19-23-гӀа денош, «Цхьанкхетар» - 25-29-гӀа денош, «Декхараш кхоачашдар» - кӀимарса бетта 31-гӀа ди – маьцхали бетта 4-гӀа ди. Дешара кхаь блоке хургба мехкара хьинардараш. Доакъашхоша доашхаргда дезалашта гӀо дарца, паччахьалкхен декхарашца, российски паччахьалкхенца дувзаденнача керттердарий дешаш», - йоах тхогарча хоамо.
Белгалде деза, Коталон 80 шу дизара хетаяьча кхетаче дакъа лаца ловраш 15 эзарнел тӀехбаьннилга.
