Уйла ца еш деча хIамах, лорабу кагирхой
Йоккхача Ачалкхерча, Заьзгакъонгий-юртарча, СоагIапчарча физкультуран секцешка ха дIахьош болча кагирхошца, кхетаче йир МагIалбик кхалерча администрацен болхлоша. Дувца оттадаь керттера дош - уйла ца еш, сихвенна деча харцача хIамах, кагирхой лорабар, цу хIаман тIехьа царна хьехам бар.
«Кхетаче дIахьош хиннараш бар юкъара болх лелабераш, дийша нах. Мехка цхьа кIеззига а хьал кегаделча, эггара чIоагIагIа лорабе безараш кагирхой ба. ХIетта кхийна, кхувш бола бахархой моллагIча хIаман юкъе бига, тувлбе атта хул; бакъда массане кхетаде деза, бокъо йоацаш мел даьча хIамах Iаьдала хьалхашка жоп дала дезилга.
Кагирхошца къамаьл деш, белгалдир, вайцигара Iаьдала бокъонаш телха а еш, Юхерча Малхбоалера хIама тоаде гIертарах хIама хургдац, аьнна. Из хоам «Сердало» газетага бир кхален администраце.
