«Блогерашта лаьрхӀа нейросеташ» яхача говзанч-хьехамашка дакъа лаьцар вай кагирхоша
«Про. Блог» яхача кхетаченца хоттабенна «Блогерашта лаьрхӀа нейросеташ» яхача гойтама болх дӀабихьар Таьрахьашца дувзаденнарех йолча Академе. Белгалде деза, доакъашхошта цига дукха хӀама дайзалга. «Сердалога» из хоам бир цу моттигера.
«Цу оагӀонцарча балхах воккха говзанч волча Неустроев Михаила тайп-тайпарча кердадарех дийцар гулбеннарашка. Эггара хьалхарча оагӀонца сага хьакхеллача хьаькъалах дийцар цо. Цу хьаькъало хьона новкъостал дергдолаш, тӀадуллаш дола декхар нийса тӀадилла деза цун. Ханаца, рузкъанца, сагаца, иштта кхыдарашца дувзаденнараш дикка дӀадовзийта деза цун, цул совгӀа, хӀара хӀама ший боарам болаш хила дезилга а теркалдир цо», - дийцар тха газетага.
Из болх гойташ йолча урока тӀа нейросетий йоазув нийса хьатӀаязде Ӏомадир тхо. Таханарча лекце хьалхадаьккхар дар «Эхь дац дагахьа дагарде цахар, эхь да сиха, нийса дагарде цахар», - дийцар тха газетага МагӀалбикерча Горсовета кулгалхочун гӀонча волча Бекбузарнаькъан Хьусена.
