Республикерча кагирхошта технически балхаш Iомаду
04.03.2025 10:08
Технически профессешта кагирхой тIахьехаш, цу оагIонцарча балхах йолча агенствоси, промышленностаха таьрахьашцара гIулакх доаржадараха йолча министерствоси цхьана республикерча промышленни моттигашка гIолла экскурси ю кагирхошта.
Из хоам «Сердалога» бир мехкарча Минпромбувзаме. Эггара хьалхара экскурси ООО «4БРА» яхача хIамаш тегача фабрикера дIайолайир.
Иштта йола экскурсеш дIаяхьа лерхI ООО «Технострой», ООО «РИАК», ООО «РИАЛ» яхача моттигашка гIолла.
Цу тайпарча гIулакхо технически профессеш харжарца чам хулийтаргба вай къонача тIехьен, из мела лоархIаме да кхетадергда цар.
«Йийлла промышленность» яха программа хьаллоацаш дIахьош болх ба из.
