ГӀалгӀайчен кагирхоша шоай сакхетам лакха хилар хьагойтар, Россе президента хоржамаш деш
ГӀалгӀайчен цхьан хоржамий даькъ тӀа, кхадж тоссаш къона зӀамсаг Дзовранаькъан Мухьмад нийсвелар. Из вай вошал долча Селашкахьа хьалхарча курсе деша вагӀа, лаьрххӀа салоӀаш долча деношка цӀавенавар из, Россе президент хоржаш кхадж тасса.
Иштта нийсделар, цу хана цу даькъ тӀа, ГӀалгӀайчен кулгалхо Келаматанаькъан Махьмуд-Ӏаьла вена хилар, цунга хоам бир, из зӀамсаг ший граждански декхар кхоачашде вена хиларах.
«Со венав се деша ваьгӀача хьамсарча ишкола даькъ тӀа кхадж тасса, бакъдар дийцача аз цӀаккха а сай хьехархой раьза боаца хӀама даьдац дешара тӀехьа. Сона-м дага а дацар укхаза сайна Махьмуд-Ӏаьла гургва, аьнна, цо се иштта могавергва аьнна-м тешшаме а. Сона дика хийтар из чӀоагӀа!» - аьлар дог гӀоздаьннача зӀамсага «Сердало» газета корреспондентага.
ГӀалгӀайчен кагирхой тешаш бар, дикача кхоаненга сатувсилга хиларах. Уж кийча бар Даьхенна гӀулакхаш сий долаш дӀадахьа, цудухьа хьинаре дакъа лаьцар цар граждански декхар кхоачашдеча а.
