Грант луча яхьашка дакъа лаца ловш ба вай кагирхой
28.11.2023 10:53
Беркате хургйола проекташ шоашкара кхолла ловш ба тахан вай кагирхой. «Дагадехачунгара - проектага кхаччалца» яхача лекцеша доккха гӀо ду царна. Из хоам «Сердало» газетага бу кагирхой гӀулакхех йолча комитета болхлоша.
«Дешара лекце керттера декхар - цхьацца проекташка гӀолла вай мехка бизнес йоаржаяр», - белгалдир цу даькъ тӀарча болхлоша. Лакхарча, юкъерча дешара моттигашка Ӏилма Ӏомадеш болча кагирхошца кхетаченаш еш, царна пайдане, беркате хургдолча хӀамаех дувцаш ба КДМ викалаш.
«Роскагирхой. Гранташ» яхача оагӀоно гӀо деш дӀакхухьача лекцешка, кагирхошта довзийт бизнес-план мишта оттае еза, маркетинга наькъашца дувзаденнараш, ше дӀадоладаьча хӀаман доал мишта де деза, иштта кхыдараш а.
