ГӀалгӀай къаман
юкъара газет

Кердадараш

Шира юрт Аьрзи тоаеча, гӀо дергда кагирхоша

Къаьнара лоаман юрт Аьрзи тоаяра гӀулакх дӀахьоргда карарча шера тов бетта (сентябрь). Цига хьинаре дакъа лоацаш хургба дешархой, студенташ, яхаш, дийцар «Сердало» газетага вайцигарча министрий кабинете.

«Шоатта дийнахьа цига хьал а баха, гонахьара доазув цӀенде лерхӀ, цу юрта гонахьа лостам бергба. Цул совгӀа, ДаьттагӀа оалача юрта «Кхерамзлен ишкол-вахара ишкол» яха кхетаче дӀаяхьа лерхӀ», — йоах хоамо. ДӀахо, из дакъа йистедаьнначул тӀехьагӀа, Пхьилекъонгий-Юртара БоргӀа Каш оалача моттиге лостам бе лерхӀ, МагӀалбика тӀема сийлен моттигашка а гӀоргба, туристически моттигаш йола доазонаш а цӀендергда. Керттера терко тӀайохийтаргья экологена, цига дӀайогӀаргья гаьнаш; йокъаенна баьцаш, йоархӀаш дӀахьокхаргья, доазув цӀендергда. Цу дерригача дикача гӀулакхо боккха пайда бахь вай кагирхой кхебара, республикан бахархошта дика масал гойт, из дегӀаяра дакъа юкъедахь.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде