Кагирхошта дийцар СВО доакъашхой, росгвардейций деналах
Мехка Росгварде Урхаллени, «Даьхен Лорбой» ганза филиалеи викалаш хьоашалгIа бахар, болхлой сихха профессиональни кийчо еча Центре. Кхетаче дӀахьош яр «Вай дуне - низ беш доацаш» яхача болама чуйоагӀаш, из лоархӀаме а яр, цу дешара моттига вахаре.
«Кагирхошта дийцар низ бар мичахьара хьадолалу, иштта из юхатохара наха юкъе малагӀа болх дӀабихьача пайда баргба, цунца къовсам лоаттабе безарах, даим кагирхошта цох хьадоалаш дола зулам довзаш хила везарах. Керттера теркам тӀабахийтар зулам леладераша кагирхой Ӏехабеш, цу новкъа уж бахара дукха тайп-тайпара наькъаш лехаш хилара, цох вай кагирхой лорабала безара.
Росгвардейцаша дийцар берашта, цу тайпарча цӀихезача доккхача хатарех, вай ГӀалгӀайченна царех хиннача доккхийча зуламех», - аьлар «Сердало» газетага из кхетаче вӀашагӀъеллараша.
Центра дешархоша терко тӀаяхийтар Росгвардена, цун профессиональни кийчонна, хьаьшаша раьза болаш жоп делар цар хаттарашта. Бераша шоай аргӀагIа хаьттар Росгварди вӀашагӀйолларах, цига ваха безам болчунна ха дезачох, цунга е езача кийчонах.
Кхувш йоагӀача тӀехьенна дийцар росгвардейцашта карагӀдоалачох, шоай вахар дӀалуш цар балха нийсъеннача моттигех.
Цига дакъа лоацаш хиннача «Даьхен Лорбой» ганза филиала викалаша берашта дийцар Донбасс лораеш Россе дӀахьош йолча лаьрххӀача тӀема операцен доакъашхой дезалашта паччахьалкхено деш долча новкъосталах; СВО доакъашхоша вай кхоане маьрша хилийтара цига гойташ долча деналах, майралах.
