Гӏалгӏайчен наькъашка бокъонаш телхаеш йола 200 моттиг гучаяьлар, «Сунт» яха операци дӏахьош
Гӏалгӏайче гӏолла дӏахьош яр аргӏанара хьехам а тӏохьожам а бу рейдаш. Из декхар тӏадиллар республикан МВД инарал-майора Котов Владимира. Цу боахама болхлоша юхатехар бокъонаш телхаеш йола 200 моттиг. Министра тӏахьожамца, моттигерча полице дӏахо дӏахьош ба республике бокъонаш лораеш бола болх. «Сунт» яха операци укх наькъа а дика чакхъяьлар.
«Наькъа инспектораша шоай болх боаржабир мехка тайп-тайпарча моттигашка, цу юкъе Аланий коанаӏарашка, Гӏалгӏайчен столице чувоаллача, иштта Наьсарен кхален Буро кӏалха. Рейд дӏахьош я «Беркут-Юг» ОМОНо, Гӏалгӏайче гӏолла йолча Росгварде Урхаллено хьаллоацаш. Цунна юкъе дакъа лоацаш вар Буро кӏалхарча администраце кулгалхо Кӏуренаькъан Мухьмад-Башир. Наькъа инспектораша лаьрххӏача хоамий базашка гӏолла чакхваьккхар 237 саг, иштта 249 транспорт. Гучадаьха кхоачамбоацараш дар 227. Болх беш инспектораша юкъедаьхар полице кинологически хьалаш, - аьлар «Сердало» газетага Гӏалгӏайче гӏолла йолча Россе МВД зарбан болх лелабераша.
Кхоачамбоацараш леладеча наха юкъе нийсбелар административни гӏод такха дезараш. Уж вар 59 саг. Царга кхоачаш бар машина кораш баьддарах совцабаьраш - 58 саг. Царех 39 сага цу моттиге ӏояьккхар шоай машина корах яьлла ӏаьржа плёнка. 10 саг каьхаташ доацаш вар, уж нокъзарбаьхар.
25 сага протоколаш оттадир. 10 сагагара машинаш хьаяьхар. Кхы а ялх саг вар номераш йоацаш, царех цхьанне харцномераш а яр.
Республикан МВД кулгалхоша тӏахьех Гӏалгӏайчен бахархой, хьаьший наькъа бокъонаш лораяра. Сакхетаме хилара. Цо ларадергда наьха вахар.
