75 млн сом деннад гимнази цӏенхаштта тоае
Магӏалбикера № 1 йола гимнази тоаеш болх дӏаболабаьб ООО «Гигантстройгрупп» яхача фирмо. Из хоам «Сердалога» бир Минстрое. «Мехкарча гӏишлошъяра министерствос тӏадилла, дӏахьош ба из болх. Укх шерара маьцхали бутт бовш кийча хила езаш я гимнази дешархой тӏаэца.
«Эггара дикагӏдар - берашта» яхача мехка проекта «Кагирхойи бераши» яхача къаман проектага гӏолла дӏахьош ба 75 млн совгӏа рузкъа дӏахьожадаь из болх», - йоах тхога бенача хоамо.
Юххьанцара болх дӏаболабаьб тахан, маьтсела бутт бовш доккхий балхаш кхоачашде оттаргба цига.
«Укх шера беркатеча къаман проекташка гӏолла, ялх дешара оагӏонцара моттиг тоаергья мехка. Царна юкъе йиъ берий беш, цхьа гимнази, цхьа училище я. Массайолча моттигашкара болх дӏаболабаьб карарча хана», - белгалдир гӏишлошъяра министра Иленаькъан Мусас.
Гимназе дешаш долча берий, хьехархой хьал дикка аттачахьа доаккхаш хувцамаш де лерхӏ гимназе.
