Шолжа-ГӀалий тӀарча КИФе гойтар, ГӀалгӀайчен тайп-тайпара таронаш
РФ Паччахьалкхен председатела заместитель Новак Александр ваха хилар, Кавказа инвестицей кхетаче дӀахьош, ГӀалгӀайчен стендага хьажа, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.
«Укхаза гойта оттаяьяр промышленноста, энергетикан, туризма, логистикан, юртбоахама керттера проекташ», - аьлар республикан кулгалхочо Келаматанаькъан Махьмуд-Ӏаьлас, Александр Валентиновичаца ше къамаьл деш.
ГӀалгӀай Республика дегӀайоалаяра керттера вахара-экономически толамаш белгалдир. Карарча хана, ГӀалгӀайче дегӀаяра наькъ тӀа я, керда балха моттигаш хьакхоллаш я, федеральни бюджетера хьадоагӀар кӀезигагӀа хургдолаш. 2030 шерга кхоачаш, проекташ кхоачашъярга 22,5 млрд дӀадахийта лаьрхӀад.
2023 шера промышленность дегӀаений 2,3, дӀадахача шерашка хинначул. Промышленноста гӀирсаш арахецара даькъ тӀа болх дегӀабарга диллача, дикагӀа йолча 5 моттига чуйоагӀаш я ГӀалгӀайче.
Цул совгӀа, хӀара шера юртбоахамо хьадер совдоалаш доагӀа; 2019 шера денз 1,7 дукхагӀа хиннад из.
ГӀалгӀай Республико, 2024 шера балха юкъейоалаергья «Шолже» оала агрокомбинат, цига кхедеш хургба сомаш, баьцадаараш.
Туристически оагӀорахьа «Ӏарамхе» таронаш дегӀайоалаергья.
Новак Александра дика мах оттабир гойтача проекташта; белгалдир, ГӀалгӀайчен дика таронаш хилар, къаьстта туристически даькъ тӀа.
