Вай базар тӀа дарбане хьамискаш йохка ха я
«ГӀалгӀайчен базарашка хӀанз го йиш я, ший тайпара чам болаш а дарбане лоархӀаш а йола хьамискаш», - аьлар моттигерча базар тӀа а ярмарке а хиннача «Сердало» газета корреспондентага.
Эрсий мушмулах гӀалгӀаша хьамиск оал, цун дунен тайп-тайпарча миӀингашка ше-ший цӀи я. Керттердар да, миччахьа из яле а, сага унахцӀенонна дарбана лаьрхӀа из хилар, цунах йоахк витаминаш, минералаш.
Из вай республике а иштта Къилбаседа Кавказа кхыча моттигашка а наха безаш бола сом ба. КӀеззига алла битача, чӀоагӀа чам болаш хул, кӀаьдагӀа а мерзагӀа а берз из, ха мел йоал», - аьлар чам бола Ӏалама совгӀаташ довзараша.
Тахан дукха нах тӀалаттача Наьсарен базар тӀа хьамиский цхьан кийлах 200 сом дех, мах кӀеззига эргаш хила а тарлу. СалоӀача дийнахьа, берригача дезало цхьа-ши кийла из сом баар дика пайда баргбола гӀулакх да.
