Къилбаседа Кавказе «Акха дивизи» яха гойтам хургба
«Машук» яхача дешара моттиге, «Даьймехка Турпалхой: дагалоаттам бӀаьшерашка» яхача кхетачен чуйоагӀаш «Кавказхой дошлой бӀу: юкъарча исторе ца ешаш йиса оагӀонаш» яха кхелахочун семинар дӀайихьар. Из хетаяь яр Даьймехка турпалхой Денна. Кхетаче дакъа лоацаш вар СКФО-ра, Москвера, Ростовский областера, ЛНР-ра вена 200 саг, цу юкъе бар хьалхале лелаю историкаш, Ростовски исторически, Тӏема исторически, иштта «Дешар» яхача юкъарлоний кхелахой. Кхыча мехкара баьхка доакъашхой бовзийтар Къулбехьен ХӀирийчера баьхкача викалаша.
«Машук» дешара моттиго керттера терко лоаттаю Даьхенцара безам совбаккхара, иштта къамашта юкъерча цхьоагӀон дешашта. Вай мехка истори Ӏомадар мел лоархӀаме да ховш, иштта цун турпалхошта карахдаьннар довзаш хила дезилга кхетадеш, оаха Россе исторически юкъарлонца лаьрхӀад ше санна бар кхы боаца, кавказхой дошлой бӀу бувцаш бола дӀа-юха лела гойтам хьакхолла. Цул совгӀа, «Дешар» яхача Российски юкъарлонца цхьана хьакхолларгья цу бӏун хетаяьча лекцей оагӀонаш», - аьлар «Машук» дешара Центра керттерча инарала, Российски «Дешар» яхача юкъарлон керттерча кулгалхочо Сериков Антона.
Хӏанзара патриотически кхетаче (из хӏанзчул тӀехьагӀа хӀара шера хургья) вӀашагӀъеллаяр Россе Ӏилман, лакхарча дешара Министерствос, «Машук» дешара Центраца цхьана. Кхетачен керттера дакъа дӀалаьцар Российски исторически, Российски тӀема-исторически, иштта «Дешар» яхача юкъарлонаша.
Из кхетаче дӀахьош хиларах, аьттув хилар паччахьалкхен Ӏаьдала болхлой, дин, Ӏилман юкъарлон викалий шоайла дагабовла, пайда луш дола къамаьл де.
«Акхача дивизена» чуйоагӀаш, латаш хиннай ГӏалгӀай полк, из цу тамашийнача, ший денал дуненна довзийтача бӀун цхьа дакъа хиннад. ГӏалгӀай дошлоша лоамарой сий лорадаьд: цар гойтад халача ханашка гойтад тӀема Ӏадатех, ГӏалгӀайчен лоамашка, ноахалгара, ноахалга доалаш, дӀахьош дола тӀема гӀулакх, юкъара Даьхе лораяра из дӀадахьа шоаш кийча хилар.
