«Шахьаре эггара хьалхарча аргӀагӀа тоае еза моттигаш белгалъеш долча хоржамашка дакъа лаьцар соахка МагӀалбике вахача 5962 сага. Шейх Мансура, Кавказски, Юбилейни, Димитрова оалаш дола урамаш хержар цар тоаде. Хьалхара ши урам тоабе дӀаболабеннаб болхлой.

Сийрда лампаш йоахкаш, хоза тоадаь наькъаш долаш моттигаш хургья царех кастта», - йоах хоамо. Шейх Мансура цӀи лелаеча урам тӀа кагий жагӀа тоссаш, никъ шаьрбеш, бордюраш оттаеш боахк болхлой.

Шахьара куц тоадара тӀехьа кхеллача къаман проектага гӀолла куц тоадеш, геттара хоза хувцамаш деш, тоаеш латт вай мехкара дукха моттигаш.