ГӏалгӀайчен ярмаркашка дика дӀаэцаш да моттигера хӏама
13.03.2026 10:59
ГӏалгӀайче дӀахьош йолча ярмаркашка дукха дӀаэцаш да дикал йола моттиге хьадаь хӏама, яхаш, дийцар «Сердало» газетага ГӀР юртбоахама Министерствос.
«Жӏайрахьа кхале чакхбаьлар кхоалагӀча кхачан ярмарка болх. Массаза санна дикал йола хӏама дӀадихьар наха.
Юртбоахама предприятеша, фермерий боахамаша дукха тайп-тайпара кхача лоаттабир бахархошта, ярмаркаш дӀахьоча юкъа. Геттара дика дӀаэцаш дар баьцадаараш, сомаш, дулха, шурий даараш, къаьстта моттиге арахецаш дараш», - аьлар цу боахаме.
АргӀанара ярмарка дӀахьоргья тушола бетта 14-ча дийнахьа, республике хьачувоаллача, Аланий коанаӀараш оалача моттиге. Массаза санна йоккхача майдан тӀа эца таро хургья дикал лакха йола, чам бола кхача.
