ГӀалгӀай къаман
юкъара газет

Кердадараш

МагӀалбика кхален ГИБДД кулгалхочо студенташца кхетаче дӀайихьар

Россе МВД «Малгобекский» МО ОГИБДД кулгалхочо Ваделанаькъан Хьусена кхетаче хилар «Къилбаседа Кавказа Чуранаькъан Т. Х. цӀерагӀча доагама-энергетически колледжа студенташца, цо царна дийцар наькъашка лелара бокъонаш лораяр мел лоархӀаме да. Из хоам «Сердало» газетага бу цигарча паччахьалкхен автоинспекце. «Хиннача къамаьлаца керттера дар, кагирхой сакхетам лакхбар, уж бехктокхам кхетабеш хургболаш, царна кхетам балар, таханара наькъа бокъонаш лораяр лоархӀаме хилар.

Иштта цу кхетаче белгалдир, машинаца водаш хилча, телефонаца къамаьл деш хилар мел харцахьа да. Белгалдир, цу тайпара гӀалат сага деш хилар бахьан долаш, дукхагӀча даькъе новкъа хьовзамаш нийслуш хилар», - йоах хоамо.

Кхетаче дӀахьош, студенташа дукха хаттараш делар автошколанна, машина лелаяра бокъо луш дола каьхаташ хьаэцара доагӀаш, иштта дийцар, кхыйола транспорт лелаеш хилча лорае езача бокъонех.

ОГИБДД кулгалхочо кагирхой тӀахьийхар, сакхетам лакхбара, наькъ тӀа фийла хилара, наькъа бокъонаш лораяра, шоашкара масал гойташ хилара, шоаш а шоашта гонанахьара нах а лорабара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде