НАК: Илдарха-ГӀалий тӀа терроризма духьала къовсам лоаттабар тӀахьожаме да
Илдарха-ГӀалий тӀа дӀахохьош я контртеррористически операци. «Сердало» газетага беча хоамах, Осканаьнакъан С.С. цӀерагӀча урам тӀа латтача вӀаштӀардаьча цӀен цхьан квартиранна го баьб, ГӀалгӀайчен доазон тӀа террористически акт е лаьрхӀа хиннача тоабанна. Цхьаболча хоамо белгалду; хьалхагӀа халкъашта юкъе лохаш хинна ши бӀухо дӀаваьккхав, яхаш.
«Дехар ду бахархошка, сагот ца деш, паргӀата хила. Бакъболча хоамах мара цатешара а тӀахьех. Шахьарера хьал бокъонаш лораеча наьха тӀахьожама кӀал да», - цу тайпара къамаьл дир ГӀалгӀайчен кулгалхочо Келаматанаькъан Махьмуд-Ӏаьлас.
КТО дӀахьош йолча даькъа чудоагӀаш да Осканаькъан, ЖабагӀанаькъан, Набережни, Рабочи оала урамаш. Цу моттиге бахаш бола нах арабаьхаб, цу доазонна го баь латт бокъонаш лораяра болхлой.
