ГӀалгӀай къаман
юкъара газет

Кердадараш

Боккхийча наьха Ди долаш, Ӏаьлий-Юрта сийдолча къоаношка хьажа бахар

Ардара бетта хьалхарча дийнахьа, къоаной Ди дездеш хиларца дувзаденна, Наьсаре кхален Ӏаьлий-Юртарча культуран цӀен болхлой шоай дешархошца цхьана баха хилар юртхой, ха яха нах Янданаькъан Жамалда, Налганаькъан АсмаӀ йолча.

«Янданаькъан Жамалдаc, Ӏаьлий-Юртарча администрацен кулгалхо волаш, шовзткъа шиъ шу даьккхар. Из, кхы тӀатоха хӀама доацаш, ший вахаре дукхагӀа йола ха халкъанна дӀаенна ва. Налганаькъан АсмаӀ, лерттӀа дезал кхебаь, дика гӀалгӀай кхалсаг я. Цу нахаца къамаьл деш хилча, дега тоам хул»,-аьлар «Сердало» газетаца къамаьл даьча культуран цӀен кулгалхочо ГӀаьнажанаькъан Мадинас. Янданаькъан Жамалда,Налганаькъан АсмаӀ, вахаре дукха хӀама бӀаргадайна ба, цар безаме тӀаийцар хьаьший, шоай уйлаш царца екъаш, баьгӀар уж дукха. «Се атта яьхай ала йиш йолаш яц со, - аьлар Налганаькъан АсмаӀаc,- дукха ла дийзад. Бакъда со раьза я таханарча денна, сай тхов кӀийле йолаш, сайна гонахьа дукха дика нах болаш. Фу эш кхы ираз хила? Къоанал хьакхоач хӀаранега, ха дӀатиллача. Цудухьа аз аргдар кагирхошка: цӀаккха а диц ма де, къоаношта терко е езилга. Цхьан хозача дешо дог дошаду. Лораша а ма оалий, хозача дешаца дарба де йиш я, аьле. Вай кагирхошта из массаза дагадоагӀаш хуларе, дика хетар сона».

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде