Халкъа фронтахой дакъа лоацаш ба «Деррига - Коталонна!» яхача кхетаче
Халкъа фронта Гӏалгӏай мехкарча оагӏон викалаш дакъа лоацаш ба «Деррига - Коталонна!» яхача йоккхача кхетаче, из хьайийллар тахан Москве. Цо вӏашагӏтехар цу лостамагӏа хьинар дараш, волонтёраш, мехка бахархой. Уж юххьанца денз бӏухошта новкъостал лоаттадеш бола нах ба. Республикан викалаш - уж ба дукхача хана денз къахьегаш хьабоагӏараш, Даьхен бӏухошта даим гуманитарни новкъостал лоаттадераш.
«Деррига - Коталонна!» яха республикера новкъостал гулдеш, Гӏалгӏайчен бахархоша дӏадахьийтар 49 миллион сом. Иштта юкъарлоно хьаллоацаш хилар бахьан долаш; СВО даькъ тӏа, кердача моттигашка 186 тонн гуманитарни новкъостал дахьийтар. Из болх бе йиш йолаш бацар, вай бӏухоех дог лазаш бола нах хиннабецаре. Къаьстта цудухьа республикан бахархоша юкъедена дакъа белгалдир «Халкъа фронт.
Деррига - коталонна!» яхача совгӏатаца. Дӏадахача шера совгӏаташ делар 11 вахархочунна, иштта вай республикан пхе моттига», - аьлар «Сердало» газетага Халкъа фронта моттигерча даькъа исполкома кулгалхочо Тенканаькъан Башира.
Хӏанз дӏахьош йола кхетаче - из балха говзал хьаэца йоккха таро луш я.
