Наьсарен «Ангушт» эшаш хилар соцадир Хасавюртарча «Победал» котъяларо
Наьсарен «Ангушт» котъяьлар Хасавюртарча «Победал», ший цӏагӏа ловзар дӏахьош. Из дар Шоллагӏча лиган (Дивизион «Б», Группа 1) тоабашта юкъе футболах LEON-Хьалхален 26-ча тура чудоагӏаш. Наьсарен, Овшанаькъан Рашида цӏерагӏча боаринга тIа дӏахьош хинна вӏашагӏкхетар чакхдаьлар 1:0 чот йолаш, фусам-даьшкахьа совле йолаш.
Цо таро елар, аьттув ца боалаш лаьтта дукха ха хоадаеш, гӏалгӏай клуба кхо очко яккха. Ловзар дӏадолалуш эксперташ хеташ бар, Дагестана хьаьшашка хьа совле хургья, аьнна. Диазза котбаьнна лакха моттиг дӏалоацаш бар уж турнира даькъ тӏа. Дале а, «Ангушт» чӏоагӏа а, дика а ловзаш хиларах; из деррига тӏехьашка дисад.
Иштта хала ловзар дӏахьош, шоллагӏа тайм йолаш, цкъа ший йоаггӏача техача бургацо хоадабир цун мах. 54-гӏа минот йолаш, наьсархоша шоашца яхьебаьннарий наӏарашка хала хьал оттадир. Бургац йолчахьа тӏавахар 20 шу даьнна «Ангушта» полузащитник Зайнавов Калимолла, цо штрафной даькъ тӏара хьаьший голкипер тувлваь, нийса бургац чутохарах чот хьайийллар. Гуш ма хиллара, цох цаӏ мара йоаца коталон гол хилар.
Юхейисача хана Хасавюрта тоаба хьежар этта хьал нийсде, бакъда «Ангушта» вратарь керте а волаш хиннача тоабо, гӏалат ца йоалаш, дӏадихьар ловзар, чот 0-1 йолаш.
«Ангушт» котъяьлар шийх дог лаза баьхкарий самукъадоаккхаш, цо гойтар Наьсарен футбола клуб таро йолаш хилар дикагIчарца нийсъяла, иштта ловзарашка шоай оамал дӏагойта.
