Цига, иштта, дакъалоацаш хилар ГIалгIай республика Правительства Председатель вола Сластенин Владимир, вице-премьер Йовлой Мухьмад.

Дийца дош дар, дIадахача шера, мехкдаьтта доаккхача даькъа тIа карагIдаьннар, иштта 2022 шера, цу хьакъехьа республика дегIаяра де лерхIар.

ГIалгIайчен Кулгалхочо дийцар, «Ингушнефть» холдингаца бувзам лелабарах, хьабоалача пайдах.

Цо яхачох, мехкдаьтта отрасль, республика экономика дегIаяра лорхIаме дакъа да, цунга хьежжа хила беза хьабоалаш бола пада а, цхьабакъда из хила беза, лаьттана кIалхарча кIийленна зене хургбоацаш.

«Вай республике цIена экологически хьалаш да, унахцIенонна Iаткъаш йола предприятеш вайцига яц, цудухьа из Iалама хоттам лелабе вай декхарийла да.

Вай терко тIайохийташ да агропромышленни комплекса, иштта экотуризм дегIайоалаяра, цу тайпара дика хьал ГIалгIайче хилар, лоархIамеча декхарех цаI да», -  аьлар ГIалгIай Республика Кулгалхочо.

Цо иштта хьалхадаьккхар, «Центргеко Холдинг» керттерча кулгалхочунна, фекемашта лаьрхIа дола, керосин оала, доагам даккхара йола таронаш йовзар, из накъадаргда «Магас» аэропорта.

«Центргеко Холдинг» ООО Генеральни директора белгалдир, беррига болх хьаийцача, дочерни оалача, предприяте балха ше раьза хилар.

Цул совгIа, де лерхIачох дIахо а цаI да, унахцIено яйнача берашта лаьрхIача реабилитационни центра новкъосталдар.

Из болх дIахьош 2021 шера, МагIалбика района Дабе-Юртарча Коррекционни ишколе, ремонт яьй.