Боккха а чоалхане а болх дIабихьачул тIехьагIа, дIадахача шера оагIой бетта, республика кулгалхой, таро хилар «Магас» аэропорта, халкъашта юкъера я аьнна цIи яла.

«ХIанз вай декхар да, вай фекемай терминал дуненна боарама нийсса хилийтар: хьалаш хилийтара а, наха деш дола гIулакх лакхача боараме хилийтра а, кхерамзленна Iалашо яра а, пассажирий терко яра а.

Цу тайпарча таронаша, регионе, керда экономически хьалаш лу. Из дувзаденна да туристаш вайцига хьаахара йолча таронашца, мах беш дола мугIараш дегIадоаладара, цу юкъе кхыча мехкашкара рынкашца дувзаденна а долаш, кхы а дукхадараш да цу юкъе долхаш.

Цу даькъа тIа, хIанз, болх дIахьош ба йолаш йолча аэровокзала гIишлон хьалаш тохкаш, технически дIадехачоа нийсса из хургйолаш дола, балхаш дIадахьа кийчлуш ба. 2023-ча шера уж балхаш йистедаьнначул тIехьагIа, «Магас» аэропорте хьаелла лаьрхIад РФ паччахьалкхен доазон тIа гIолла чакхвалара йола пункт.

Аэровокзал тоаяь яьнначул тIехьагIа, нах дIа-юха кхувлара меттел, мухь дIа-юха кхахьара йола оагIув а дегIайоалае лерхIаш я», — аьлар ГIалгIай Республика Кулгалхочо Келматанаькъан Махьмуд-Iаьлас.