Кхаь дийнахьа, шин бус - цу юкъа туристий таро я  программе дакъа лаца, республикан эггара цӀихезача моттигашка хила.  Магасерча Барта гӀалагара, дӀадахача бӀаьшерий  гӀалай моттигашка, къаьнарча, езача моттигашка, лоамех чухьедаш долча кхуркхолгашка кхаччалца йовззаргья цан ГӀалгӀайче. Цул совгӀа, дика хьалаш долча отелашка Ӏе моттиг а хургья.

Къаман туристически наькъий керттера декхар да, туроператораша белгалдечох, салаӀа боагӀача наха дика хьалаш  хилийтар, маьхаш а дикал а вӀаший тарлуш хилийтар.

«Туристически оагӀув дегӀайоалаяр- вай мехка президента Путин Владимира хьалхашка оттадаь декхар да.  «ГӏалгӀай мохк» яха  къаман туристически никъ  хьабеллар - из ГӏалгӀайчен туризм дегӀайоалаяра  кӀийле я», - аьлар, цох дувцаш, ГӏалгӀайчен Кулгалхочо.

Керда никъ хьабеллаш керттердараш теркалдаьд: наьха кхерамзлен Ӏалашо яр, дика хьалаш хилийтар. Туристий таро я туроператорашка гӀолла а иштта шоаш а бахьа безам бола никъ вӀашагӀболла, программага гӀолла цох  бола хоам хьа а леха, из корабергба «Путешествуем.рф» яхача къаман туристически порталера.