ГӀалгӀайче гучадаьлар, лорий гӀирс тоабеш, 1,9 млн сом совгӀа ахча даьккхалга
ГӀалгӀайчен полицена гучадаьлар, лорий гӀирс тоабеш, 1,9 млн сом доагӀачул совгӀа даьккха хилар, яхаш, дийцар «Сердало» газетага республикан МВД.
«ГӀалгӀай Республике гӀолла йолча МВД, коррупцеца къовсам лоаттабара УЭБ болхлоша, ГӀалгӀай Республике гӀолла йолча, Россе МВД ВОГ тоабаца цхьана техкар ООО генеральни директора бюджетера ахча лочкъадаь хилар.
Полице яхачох, болх бечо ГБУ-ца паччахьалкхен контракт чӀоагӀъяьй, пехкашка садоахийташ йола 38 аппарат (ИВЛ) тоаергья, аьнна.
Уж тоаяра оттабаь хинна юкъера мах бар 3 миллион сом», - йоах хоамо.
Бакъда, 16 мара тоаяьеце а, цу сага ерригаш тоаяьй, аьнна, бизза мах дӀаийцаб. Цу тайпара 1,9 млн сом лочкъадаьд.
Цунга, мехкара дӀа-юха гӀоргвоацаш, каьхата кулг яздайтад, цунна духьала уголовни гӀулакх хьа а дийллад.
