МагӀалбика кхале ДТП хиларах цхьа саг лозавир
Селхан сарахьа 18 сахьат 45 минот яьннача хана, «112» яхача Центре сиха хоам кхаьчар, новкъа хьовзам хиларах. Машинаш вӀашкакхийттаяр МагӀалбик-Заьзгакъонгний-Юрт яхача даькъ тӀарча гом тӀа.
«Тоаркхо» яха лахара-кӀалхарваккхара йола тоаба цу моттиге хьакхаьчар. Хьалхарча аргӀагIа долаш долча хьалага хьажаро хьагойтар наькъа хьовзам хилара бахьан ши машин вӀашкакхетар долга. Автомобилаш яр «Мерседес-Бенц» иштта шоллагӀа йола машина «Лада Гранта» яхача марках яр. Цига лозаваь хилар цхьа саг. Ираза, бейнараш цига хиланзар. Лозаваьр сиха МагӀалбика кхаален Центральни дарбанче дӀавигар, цига лораша новкъостал дергдолаш», - аьлар «Сердало» газетага ГӏалгӀайчен МЧС зарбан болх лелабераша.
Сихача гIон болхлоша, дика говзал йолаш, шоай болх дӀабихьар. Бокъонаш лораераша хинначун мах оттабергба, гӀулакх техкачул тӀехьагӀа. Из нийсдаларца дувзаденна, ГӏалгӀайчен ГИБДД тӀахьех беррига наькъа доакъашхой фийла хилара, наькъа бокъонаш лораяра. ЧӏоагӀа лоархӀаме да машинаш шортагIа лехкар, царна юкъера моттиг лораяр, къаьстта садайначул тӀехьагӀа.
