Шолжерча цхьан ишколах Россе Турпалхочун Хьоашаланаькъан Султана цӀи тулларгья
03.12.2024 10:23
Россе Турпалхочун Хьоашаланаькъан Султана цӀи лелаеш хургья, бӀухо деша ваьгӀа №7 йола Шолжа-Шахьара ишкол. Хӏанз, ГӏалгӀайчен кулгалхочо аларах, гулдеш да цу гӀулакха дола каьхаташ.
«ЛоархӀаме да дешархошта цунна карагӀдаьннар хар. Сона хет, ший Даьхе бахьан долаш, къонача зӀамигача сага дӀаделар эггара дезагӀдар - ший са, из лакхара мах болаш да», - аьлар Келаматанаькъан Махьмуд-Ӏаьлас.
ГӏалгӀайчен турпала, из дагалоацаш, сий дергда; Даьхен Турпалхой ди долаш - оагӀой бетта 9-ча дийнахьа.
28-шу мара ца даьннача Хьоашаланаькъан Султана шийна уллуврча новкъоста хьалхара ший са Ӏодиллар лаьрххӀача тӀема операце мугӀарашка моастагӀчоа духьалъэтта. Цунна, РФ Президента амарах, Россе Турпал яха цӀи елар.
