Сурхо тӏа яьнна цӏи дӏайоаеш хилар МЧС болхлой
12.05.2026 09:26
Селхан бус цӏи яьнна хатар хилар Сурхо тӏа. Вай мехкарча МЧС оагӏон болхлой сиха оарцагӏбаьнна, цӏи дӏайоае аьттув баьлар.
«Восточни оалача урамерча вӏаштӏардаьча цӏагӏа цӏи яьннай, аьнна, хоам бера, 22 сахьат 49 минот яьннача хана. Хьатӏакхаьчача МЧС болхлошта бӏаргадайра цӏи лоалаха латтача гӏишлошта дӏатӏаяьннилга. Гӏишлош вӏаший гарга латташ хиларах цӏи ма даггара михьаръяьнна яржаш латтар 200 кв.метр дӏалаьца», - дийцар «Сердалога» МЧС болхлоша.
Цӏи дӏайоае оарцагӏбаьннараш 30 саг, ялх машин яр. Даьла къахетамца, сага хӏама ца деш, дӏадижар из хатар. Геттара боккхача кӏура юкъе, цӏи кхы а чӏоагӏагӏа дӏа-хьа яржар кхерам болча хьале болх беш хилар МЧС къахьегамхой. Цӏи ялара бахьан тохкаш латт.
