ГIалгIайче, 32 эзар сага, дикал йолча хица Iалашо ергья керда болх дIабахьарца
В регионе стартовали работы по модернизации существующего Альтиевского водозабора и станции очистки воды. Строительство объекта осуществляется по линии реализации федерального проекта «Чистая вода», национального проекта «Экология», подрядной фирмой «КММ-Моторс» по заказу Минстроя республики.
«Из объект хьалъеш я «ЦIена хий», «Экология» яхача проектех, из болх беш яр я, республика гIишлон министерства заказах, «КММ-Моторс» яха подрядни фирма.
Из болх дIадахача шера дIаболабаьбар. ХIанз, укх сахьте, кхоъ артезиански скважинаш яьха яьнний насосаш а оттаяь, цунца цхьана йиъ скважина йоаккхаш латт. Ерригаш а, проектах, уж итта хила езаш я.
Уж деррига балхаш йистедаьлча, 32 эзар сага Iалашо е таро хургья дикача, цIенача молаш долча хица», — аьлар ГIалгIай Республика гIишлон, ЖКХ министра Балханаькъан Микаьила.
ХIанз, укх сахьте, объекташка болх беш ба говзанчаш- артезиански скважинаш йоахаш, гонахьара доазув чулостадеш йола карташ еш, доазув тоадеш.
Хоам бу, проектно-сметни каьхатех, «Геопроект НПО» ГУП, уж итта скважина а йоацаш, кхы а насосни станции, напорно-канализационни коллектори хьалъе лерхIаш я. Хьахьожадаь ахча да — 426 млн. сом. ГIишло хьалъяра болх, шин даькъа бийкъа ба.
