«Оаха, тIаийца декхар кхоачашдеш, новкъостал ду шахьаре вахара хьалаш хьакхоллара, дешара, унахцIенонна даькъ тIа нийслуш дола хаттараш кхоачашдара. ГIалгIайчен деррига боахамаш юкъедоагIа цу деша, ший ханнахьа эшача новкъостал лоаттадар вай хьатIалаьца да», — аьлар, ше къамаьл деш, ГIалгIай Республикан кулгалхочо Келаматанаькъан Махьмуд-Iаьлас. Ала деза, цу хаттарех де лерхIаш мел хиннар кхоачашдаь даьннад. Лакхехьа белгалъяьча Запорожьен кхале дIаяхьийтай кхачан продукташ, гIишлон материалаш. Цул совгIа, «Мужече» РСТЦ доазон тIа салоIаш болча Токмакски кхален къонача латархошта спортивни даькъе эшачунца Iалашо яьй. Из доацаш а, къона хьаьший кийчбеш ба, кердача дешара шера мехка ишколашка гIоргболаш. ДIахо де лерхIача новкъосталах да 2023-2025 шерашка Токмакски кхален доазон тIа йоахаяь гIишлош меттаоттаеча дакъа лацар.