Набахта йоаллача Совтанаькъан Зарифайна керда паспорт хьаделар
«ГӀалгӀай гӀулакхах» лаьца йоаллача Совтанаькъан Зарифайна керда паспорт хьаделар, ГӀалгӀайче гӀолла сага бокъонех волча викала къахьегарах, яхаш, дийцар «Сердало» газетага ГӀалгӀай Республикерча УПЧ даькъ тӀара бенача хоамо.
Зарифас хьалха дехар чуденна хиннад ше лаьца йоаллача набахтен кулгалхочун цӀерагӀа, къаьнара паспорт хувцар дехаш, бакъда из кхоачаш ца деш дисар. Паспорт ца хилча, Зарифай таро яцар лорашкара новкъостал деха. Дехарга а хьежа, ший балха чудоагӀаш из дош хиларах, вай республике гӀолла сага бокъонех волча викала ший аргӀагӀа дехар дир, Зарифа лаьца йоаллача Ставропольский края УФСИН кулгалхочунга. Цун дехар лоаццача хана кхоачашдир, керда паспорт дӀа а луш», - аьлар тхоца къамаьл даьчо.
Цул совгӀа, хоам бу, Совтанаькъан Зарифа йолча ваха хилар Ставропольски краера, сага бокъонех болча болхлой викал. Ше лаьца йоаллача моттигерча хьалашта латкъаш хиннаяц из.
