СМИ дехараш чудала йиш я КИФ-2025 ваха ловчо
02.04.2025 11:55
ХьатӀабоагӀача бетта 25-ча денгара 27-ча денга кхаччалца Минводе дӀахьоргйолча Кавказерча инвестиционни кхетаче дакъа лаца ловча журналисташта, блогерашта лаьрхӀа дӀаязбар доладелар, укх бетта 1-ча дийнахьа денз. ХьатӀабоагӀача бетта 12-ча дийнахьа чакхдаргда из.
ЛоархӀаме дакъа дӀалоацаш хургья из кхетаче, «Инвестиционни никъ: дӀадахар, дар, хургдар» яха оагӀув ба цига керттера. Экономически хьалах, хӀама хьадарах, цхьацца кердадараш юкъедахарах дувцарга кхетаче.
Цун керттерча сайте чудала деза хӀаране ший дехар. Ӏаьдала болхлоша, бизнесменаша, Ӏилман, хоамий оагӀон доакъашхоша из гӀулакх дикка хьаллацарга сатувсаш ба хьалхалаттараш.
