Пхьоарал деча наха хьаяь хӀамаш эца йиш хургья Наьсарерча ярмаркера
Наьсарен администраце бех бахархой, хьаьший шахьара ярмарке, из хетаяь я беза Рамадан бутт хилара, яхаш, дувц «Сердало» газетага мэре.
«Тушола бетта 8, 9, 10 деношка 12:00 даьлча денз 22:00 даллалца, Наьсарен-Шахьара администраце, Оздой Руслана могаяь, дӀахьош хургья ярмарка, цига шоай хӏама гойтаргда мах беш болча дукхача наха. Царна юкъе ба кулгаговзал яраш, цар йовзийтаргья совгӏата яь хӏамаш, ингале гӀирсаш, кӀерамаш, иштта безам тӀабодаш шоаш хьадаь кхыдараш. Укхаза таро хургья хьатӀадоагӀача цӀайна лаьрхӀа хӀама эца, шоай гаргарча наха совгӏат де»,- йоах хоамо.
Цул совгӀа, ярмарке хургда чам болаш дола даараш. 17:00 сахьат даьлча майдан тӀа дӀаболалургба кхачан даькъ тӀара даараш дохка, массане а таро хургья шоашта дезар эца.
КхоалагӀча дийнахьа «Юхь гуш боацараш» яхача ганза вӏашагӏдолл цхьана марха дастар, цига бех безам бараш!» - аьлар доал деча даькъ тӀарча Ӏаьдало.
