ГIалгIайче квартирайеи, уж арендах хьаэцареи мах лаьгIбеннаб
Аналитиками жилищного рынка Ингушетии отмечено снижение стоимости квартир и аренды помещений в Ингушетии. Так, запрашиваемая собственниками жилплощади цена продаж 2 — 3- комнатных квартир в столице региона городе Магасе, за шесть месяцев текущего года снизилась от 5 до 10%.
Цу тайпара 2-3 комнатни квартирах региона столице Магасе карарча шера ялх бетта 5-негара 10 процентага кхаччалца мах лаьгIбеннаб.
Цу юкъе Магасе, Шолже, МагIалбике, Илдарха-ГIалий тIа 5 процент дукхагIа бац лIаьгIбенна мах. Иштта дале а хIанз вай бувцар ба массаза а эцача а арендах лелаеча квартирай мах, из къаьстта цу наха лоархIаме ба.
Говзанчаша оттабеча маьхага хьежача, цунна бахьан да бахархоша дIачулуш йола йоал кIезига хилар. Жилищни рынка доакъашхой хьежаш ба «йохкара-квартира-эцара» деша юкъе дикагIча оагIорахьа хувцамаш хиларга, кхыбараш сабардеш ба геттара чухьнахьа эца йиш йола ха хьатIаярга е квартира е цIа эцара йола ха гарга ярга.
Цу юкъе цхьацца болча российски эксперташа йоах, РФ йоккхача шахьарашка квартираш арендах хьаэцара маьхаш дIадахача шера гурахьа хинначул чухьнахьа да.
Цар яхачох цунна бахьан да цар маьхаш дукха хоатташ ца хилар а, объекташ селлара маьха еза йоацаш хилар а, уж заман ханга хьажже маьха езлуш хул.
ХьалхагIа «Сердало» газетага хоам баьбар республика шахьарашка квартираш хьалха санна арендаш езаш а цар маьхаш хоатташ а да, аьнна, дIадахача шера укх хана хинначунга хьажача.
Экономически хьалашка хьажжа хувцалуш хургба региона муниципальни даькъ тIара аренда а квартирай а мах.
