ӏан ха хатараш доацаш дӏаяхар, чӏоагӏа гӏадвугаш да
03.03.2026 11:21
Шелал хьаэтта 2025-2026 шерашкара ха, Даьла къахетамца, цхьаккха хатар доацаш чакхъяьлар. «Сердалога» из хоам бир мехкарча кабмина зарбан болх лелабераша.
«Коммунальни, вахара оагӏонашцара болх боаггӏача боараме бир. Гуйран-ӏан хана кийчо яр ханнахьа чакхдаьккхар. Йӏовхал лоаттаеча, тока моттигий, котельнешкара гӏулакх хила деззача тайпара дар», - йоах тхогарча хоамо.
Цул совгӏа, дийнахьа, бийсан къахьегаш ба цаӏ йолча диспетчерски моттига къахьегамхой. Белгалде деза, укх тӏехьарча итт шера геттара чӏоагӏа гӏор йолаш ӏа вайцига ца хиннилга.
2025-ча шера ардара бетта 15-ча дийнахьа хьахийцар йӏовхал, 2026-ча шерарча бекарга бетта 15-ча денга кхаччалца латтаргья из, мехкарча хаоттамга хьежжа.
