«Оздой Марем балха говзал йола, начӀал дола хьехархо я. Цун балха лакха мах бир кхелахоша, цо хьагойт ше хержача балха тIа лакха толамаш даха карагӀдоалаш из хилар. «Йоазон дикагӀа йола урок» яха яхь дешара даькъ тӀа дикагӀчарех цаI я. ДикагӀа кхеташ бола хьехархой гучабахара, начӀал дола хьехархой совгӀаташца безбара, дешара керда боарам юкъебоалабара тӀахьехаш я из. Оздой Марема деннача совгӀато хьагойт цун балха лоархӀам», - аьлар МагӀалбикерча хьехархочун коталонах дувцаш, тха газета корреспондентага ГӀалгӀайчен юкъарча палатан доакъашхочо ГӀантамаранаькъан ЯрагӀе. Оздой Марема яьккхача коталонах, цун балха новкъосташта дика масал хургда, балха говзал лакхъеча даькъе.