Ерригача Россе кхетаче дакъа лаьцар вай мехкарча хьехархочо
21.04.2025 10:54
Къилбаседа Кавказерча классай кулгалхой, СПО тоабай кураторий Ерригача Россе кхетаче дакъа лоацаш хилар Наьсарерча № 15 йолча ишкола кулгалхочун гӀонча йола Кхоартой Фатима. Из хоам «Сердалога» бир «Бералла наькъаш» яхача проекта зарбан болх лелабераша.
«200 хьехархо гулвеннавар «Машук» яхача моттиге Къилбаседа Кавказа ворхӀ моттигера.
Царна юкъе бар тайп-тайпарча дешара моттигашкара куратораш, ишколай кулгалхой гӀончаш, иштта кхыбола болхлой. Берашта, цар даьшта-ноаношта лаьрхӀа йолча программех, иштта дешара оагӀонца дувзаденнача кхыдолча гӀулакхех дийцар вӀашагӀкхетаре», - йоах тхога бенача хоамо.
