ИнгГУ хьехархой дешара-методически кхетачен юкъе дакъа лоацаш ба
19.03.2025 11:30
Ставрополерча Къилбаседа Кавказа федеральни университете укх деношка дӀахьоча дешара-методически кхетаче дакъа лоацаш ба вай паччахьалкхен университета хьехархой. Из хоам «Сердалога» бир университета зарбан болх лелабераша.
«Вай республика дӀагойтараш ба «Даьхен истори» яхача кафедра боккхагӀа бола хьехархой Котанаькъан Мадина, Янданаькъан Аза, иштта «Даьржа истори» яхача кафедра хьалхалатта Дзуматанаькъан Зарета. Кхетачен программага диллача, «Россе паччахьалкхен керттердараш» яха курс я йоаржаер.
Семинарашка, йоккхача кхетаченашка цу оагӀонцарча гӀулакхех дувцаргда Къилбаседа Кавказа лакхерча дешара моттигашкара гулбеннача болхлоша», - дийцар тхога.
