Мархий беттара хьалхара ярмарка дика чакхъяьлар
02.03.2026 10:21
Мархий бетта хетаяь хьалхара кхачан ярмарка хилар вай мехка. Из хоам «Сердалога» бера Мехкадаь зарбан болх лелаберашкара.
«Вай Мехкадас тӏадилла, юртбоахама гӏулакхех йолча министерствос дӏахьош тайп-тайпара кхача, ялат дохкаш ярмарка яр из», - йоах тхога бенача хоамо. Дарегӏа бола кхача эца йиш хилар геттара лоархӏаме да бахархошта, марха кхоабача деношка.
Иштта ярмаркашка гӏолла вай теркалду, мехкарча фермерски, иштта доалахьарча боахамашка, ГУПашка толам боаккхаш къахьегилга. Заьзгакъонгий-Юрта укх бетта 7-ча дийнахьа дӏахьоргья цхьаькха ярмарка.
