Вайцига духхьшха хул, исторически сийленгий доазон тӀа къахьегама шоатта денош
08.10.2024 16:23
Укх деношка, «Хьалхарчар болама» хьинар дараша шоатта денош дӀахьу ГӏалгӀай Республикан архитектуран гӀишлош, исторически сийленгаш тӀадолча даькъ тӀа, яхаш, хоам бу «Сердало» газетага болама гӀулакхех говзанча волча Налганаькъан Рамзана.
Кагирхой культурно-лоархӀамеча моттигашка лостам беш ба. Массехк дийнахьа цар 10 мемориальни комплекс, итта сийленг тӀадола моттигаш цӀенйир. Дешархошта дагадеха хиннар хьаллаьцар хьехархоша, берий даьша, уж а хилар цу юкъе дакъа лоацаш, из боккха болам дӀахьош», - йоах хоамо.
