Мехкара 30 дешара моттиг тоаеш, боккха болх дӀабихьаб республике
04.07.2024 12:30
Халкъа Гулламга даьча къамаьла юкъе, вай Мехкадас Келаматанаькъан Махьмуд-Ӏаьлас хьоахадир, 30 ишкол тоаеш дӀабихьача боккхача балхах. Из хоам «Сердалога» бир Мехкадаь зарбан болх лелабераша.
«Республикера 29 ишкол, деррига хувцаш, куц эргадоаккхаш тоаяьй, укх шера тоае езарех я кхы а 6 ишкол», - белгалдир ший къамаьла юкъе Мехкадас.
Йовзаргйоацаш тоаяь ишколаш кхы а дуккхача шерашка дешархой тӀаийбеш, къаман накъабаргбола, лакха кхетам бола дешархой кхебеш латтаргья, Дала аьннадале. Хьалха белгалдаьдар; ишколашта лаьрхӀа 110 автобус яйтай, аьнна. 2024-ча шера кхы а 15 автобус кхоачаргья ишколашка.
