Веннача ГӏалгӀайчен ОМОНА подполковника, сийдола цӀи елар
«Беркут-Юг» ОМОНА командира Тиймарзанаькъан Хьасана цӀи, ГӏалгӀай Республике гӀолла йолча Российски Федераце къаман гварде болхлой мугӀарашта юкъейихьар, из валарца. Цу тайпара хоам «Сердало» газетага бир цигарча зарбан болх лелабераша.
«Иштта лерхӀам бе лаьрхӀар, цо ший тӀема декхар кхоачашдеш гойтача денала. Хьасан, командира гӀонча волаш, керте латташ вар лорий-бӀухой кӀалхарбахара йолча тоабанна, цар човнаш яь нах кӀалхарбоахар, лорий новкъостал а деш, ракетий-йоккхача топий тӀом латтача хана, шоаш болча тӀема даькъ тӀа. МоастагӀчо герз чутохарах чухаьрцача, шоаш чуӀеш хиннача моттигера ши бӀухо араваьккхар цо. Цхьа ха яьннача гӀолла, юха а чутехар моастагӀчо цу моттиге герз, цига Тиймарзанаькъан Хьасана валар хилар», - йоах хоамо.
Белгалду, ший тӀема декхар кхоачашдеш; денал, майрал гойтарах, Российски Федераце Президента Амарах, Тиймарзанаькъан Хьасана Денала орден елар (валарца).
