Полице хьалехар, 1,3 млн сом совгӀа лочкъадаьраш
ГӀалгӀайчен йиъ кхалсагах дегабуам беш бар бокъонаш лораяра болхлой; цар вахара хьал тоаде лу ахча 1,3 млн сом ца доагӀаш ийца хилара. ДӀадахача шера, зуламхоша, укх республикера ара ца боалаш, Нарьян Марера ца доагӀаш дола каьхаташ даьхар, цига шоаш бахаш санна. ДӀахо де дезаш дисар башха хала хӀама дацар, бакъда бокъонах доацаш пайда бе лаьрхӀараш Ӏаьдало ца зувш бисанзар.
Ненецки къаьсттача куран тӀагӀолла йолча Россе УМВД хьабайтача хоамах, «хьем боаццаш-тохкам бара болх дӀахьош, ГӀалгӀай Республике гӀолла йолча МВД коррупцеца къовсам лоаттабара, экономически кхерамзле лораяра урхаллен болхлоша чӀоагӀдир, ГӀалгӀайче яхаш йолча йиъ кхалсагах хӀаране вахар тоадара ахча ийца хилар, 250 эзар сомагара 480 эзар сомага кхаччалца. Деррига а из да 1 миллион 340 эзар сом», - аьлар «Сердало» газетага ГӀалгӀай Республике гӀолла йолча МВД.
Зуламхошкара, безача хана хьатӀабоагӀаргболаш, каьхат даьккхад. Цар даь зулам дӀалоархӀаш да РФ УК 3 д. 59.2. ст.
