ГӀалгӀай, нохчий Санкт-Петербургерча викалаша дӀайихьар дагалоаттама кхетаче
ГӀалгӀай, нохчий къамий викалаша дагалоаттама кхетаче дӀайихьар Санкт-Петербурге; Сталина баьча тийшача балхах; гӀалгӀай, нохчий къамаш мехкахдаьха, Казахстане, Юкъерча Азе Ӏодахьийта 80 шу дизара хетаяь яр из. ГӀалгӀашца, нохчашца цхьана цига дакъа лоацаш хилар дукха хьаьший.
«Кхетаче дакъа лаца венавар Россе Къилбаседа-Малхбузен, Санкт-Петербурга муфтий Пончаев Равиль, иштта кхыбола дин викалаш; Азербайджана, Казахстана консулаш; Таджикистана, Узбекистана къамий кулгалхой; Селий, Къарший-Черсий викалий кулгалхой. Хьашаша къамаьл дир, гӀалгӀай, нохчий къамаш хьаллоацаш, цар лайна бала боккха хилар белгалдеш, массадолча къамашта, Сталина гӀозаро баь хинна тийшаболх, цӀаккха бицлургбоацаш, боккха хилар чӀоагӀдеш», - аьлар «Сердало» газетага ГӀалгӀайчен миннаце.
Муфте Пончаев Равила массанена, цу ханашка байнарашта, маьл кхайкабеш дуӀа дир. Цул тӀехьагӀа сагӀийна лаьрхӀа дулх дӀадийкъар.
Сталински репрессей къизал адамашта йицъеннаяц, наьха дегашка из латташ я, йоккха чов хинна.
