ГӀалгӀайчен массазарча викалаша бӀухошта новкъостал дахьийтар
ГӀалгӀайчен цӀерах тайп-тайпарча моттигашка массазара викалаш болча наха 503-ча мотоиччархой бӀуна лаьрхӀа гуманитарни новкъостал дахьийтар. Из вӀашагӀделлараш бар Краснодарски крае болх беш бола ГӀалгӀайчен викалаш Беканаькъан Ахмадхан; ДНР, ЛНР республикашка, Запорожски, Херсонски областашка болх беш вола вай республикан викал Фаьрганаькъан ТӀахӀир, иштта кхыбараш а.
Из лоархӀаме мухь ба тахан цига чӀоагӀа эшаш бар, цунна чуйоагӀаш я пишкаш, кувга тӀа, дегӀа тӀа бувхабу бӀайха гӀирс, йӀайха кийнаш, пазаташ, чу дувхаду дӀайха барзкъаш. Цул совгӀа, царна йигар тӀем тӀа чов хинна салте араваккхара йола автомобиль.
«Из новкъостал дар дувзаденна да, бӀухошта терко еш хиларца, укх халача хана Даьхе бахьан шоай са дӀадала кийча болаш, цига латта бӀухой хьаллацарца. Цо хьагойт вай цхьоагӀо йолаш, барт болаш, массахана воай турпалхошта уллув латташ хилар», - аьлар ГӀалгӀайчен массазарча викалаша.
